تو کہتا ہے
بادل کے اُس پار
نرم ہواوں کا نشیمن ہے
دل فریب راحتوں کا آشیاں ہے
جہاں دُکھوں کی بارشیں کبھی برستی نہیں
جہاں ساحلوں سے لہریں کبھی بچھڑتی نہیں
تجھ سے روایت ہے کہ وہاں۔
شمع کو پَروانوں سے شکایت نہیں
فاصلوں کو منزل سے کوئی تَکلُف نہیں
جہاں عبادتوں کا شمار شوقِ جنوں سے ہے۔
زبانِ قاتل، نشتروں سے عاری ہے۔
دیدِ نظارہ میں شب و روز گزرتے ہیں
تجھ سے سنا ہے کے دُھندکے اُس پار۔
رفاقتوں میں فریب کی آمیزش نہیں
عشق میں ریاذتوں کی ضرورت نہیں
جہاں قلب کو خِرد سے کوئی رُکاوٹ نہیں
خواب اور حقیقت کی جہاں فصلیں ملتی ہیں
او خواب گر۔
تو جانتا ہے کے
تیری حقایتوں میں حدت ِیقیں نہیں ہے
نہ ہم سے اُن خوابوں کی سوداگری کر۔
کے جن کی کوئی تعبیر نہیں ہے
زندگی کی صلیب اُٹھائے، سر جھکائے چلنے دے ہمیں
کے تیرے بنائے ہوئے سرابوں میں
وہ تاسیر ِیقین نہیں ہے
کیوں معصوم اِرادوں سے کھیلتا ہے؟
یہ دل ہے نادان بہت۔
کیوں اُنھیں خواہشوں کی گرد میں رولتا ہے
او خواب گر۔
ذرا سوچ۔
تیرا عشق بھی کیا عشق ہے
کے جسے ریاذتوں کی ضرورت ہی نہیں؟
جا کوئی اور در ڈھونڈ لے
کے یہاں کے باسیوں میں
تیرے خوابوں کا کوئی خریدار نہیں۔
